بھارت نے روہت شرما کی بڑی وکٹ گنوادی، کپتان 72 رنز بنانے کے بعد آؤٹ ہوگئے۔

نئی دہلی، ۔ ایشیا کپ 2022 سپر 4 کا تیسرا میچ بھارت اور سری لنکا کے درمیان دبئی انٹرنیشنل کرکٹ ٹیم سٹیڈیم میں کھیلا جا رہا ہے۔ اس میچ میں سری لنکا نے ٹاس جیت کر پہلے گیند بازی کا فیصلہ کیا۔ سری لنکا نے اپنی پلیئنگ الیون میں کوئی تبدیلی نہیں کی ہے۔
ٹاس ہارنے کے بعد بیٹنگ کا فیصلہ کرتے ہوئے ہندوستانی ٹیم نے 13 کے اسکور پر اپنے دو وکٹ گنوا دیئے۔ کے ایل راہول چھ رنز بنا کر آؤٹ ہوئے جبکہ ویرات کوہلی کھاتہ کھولے بغیر ہی بولڈ ہو گئے۔ اس کے بعد کپتان روہت نے سوریہ کمار کے ساتھ مل کر تیسرے وکٹ کے لیے 58 گیندوں میں 97 رنز کی شراکت کرکے ہندوستان کو مضبوط پوزیشن میں پہنچا دیا۔ روہت 72 رنز بنانے کے بعد آؤٹ ہوئے۔ انہوں نے 41 گیندوں میں 5 چوکے اور چار چھکے لگائے۔ اس کے ساتھ ہی ہندوستان نے روہت شرما کا بڑا وکٹ گنوا دیا ہے۔ کپتان 72 رنز بنانے کے بعد آؤٹ ہوئے۔
بھارت نے ایک تبدیلی کی ہے۔ ہندوستان نے روی بشنوئی کی جگہ آر اشون کو پلیئنگ الیون میں شامل کیا ہے۔ اپنے سپر 4 میچ میں روہت شرما کی قیادت میں ہندوستانی ٹیم کو پاکستان کے ہاتھوں پانچ وکٹوں سے شکست کا سامنا کرنا پڑا۔ دوسری جانب سپر فور کے پہلے میچ میں سری لنکا نے افغانستان کو 4 وکٹوں سے شکست دے دی۔